كتب حسين بزي نصيحة من مُحِب للنائب حسن فضل الله (وهو يعلم ذلك) تصريحاتك أغلبها مكررة، مفردات متشابهة، لا تحمل أي جديد، بتب

كتب حسين بزي

نصيحة من مُحِب للنائب حسن فضل الله (وهو يعلم ذلك):

تصريحاتك أغلبها مكررة، مفردات متشابهة، لا تحمل أي جديد، بتبلش بتصعيد كبير ضد رئيس الجمهورية وبتختمها بإنو الباب بعدو مفتوح وفرص الحل معه موجودة، يعني تعبيق تعبيق تعبيق بالناس وبالآخر تطفاية، سعادتك الشرح والسرد التاريخي معش ينفع، الناس بدها أجوبة عألف سؤال براسها، ليش السكوت المخيف والمرعب عالتّرميد، ليش ارتضينا العودة لأسوأ مما قبل ٢ آذار، أهل الشريط بكل معنى الكلمة معش عندهم شي يبيعوه لياكلوا ويدفعوا إيجارات، إذا الدولة سبب حصاركن لدخول الأموال وهو كذلك صار بدها حل وجذري وسكوتكم مشاركة بالجريمة، ما حدا عم يحكي بإنقلابات وحكي فاضي كلنا منعرف طبيعة البلد الطائفي وقوة السفارات فيه بس تعاطيكن السياسي الكلاسيكي القديم صار بايخ، تصريحاتكن المكررة اللي فيها إعادة نفس المعزوفة دون تقديم أي حل أو طرح حقيقي بالتكافل والتضامن مع الأغلبية الساحقة الرافضة لاتفاق الإطار صار سيمفونية مملة، هذا غير السؤال اللي موجود يومياً براس ملايين الشيعة والوطنيين: شو صار فجأة تا بطّل في رد عالإبادة؟ هل فُرض علينا ذلك بمسار إسلام آباد بالمقابل سُمح للعدو يستكمل اجرامه؟ خبروا العالم، حكوها جاوبوها، الحيرة اللي عايشين فيها الناس وعدم وجود أجوبة للكثير من القضايا قاتلة أكثر من الحرب، طبعاً خبرية تقديم الدولة الجنوب للاحتلال مضحكة لانو ما حدا بقدم شيء لا يملكه ومقارعة الاحتلال ما بدو إذن