❗خاص❗ ❗️sadawilaya❗
كتب حسن علي طه
مزحة تحولت نكتة واصبحت ترند على مواقع التواصل
" ياعلي ياحسين ابعدوا جورج وطوني بدهم يتصوروا حد شجرة الميلاد.
وفيديوهات مولات بيروت وأسواقها مكتظة بالناس أغلبهم محجبات.
هي النكات ومشهد اطفال المهدي باستقبال البابا بتلخص صورة حلوة عن مجتمع التعايش والمحبة الفعلي عكس صورة الحقد والخبث يلي عم يعممها شركاء في الوطن بفيديوهات أقل ما يقال فيها أنها خالية من الإنسانية
واحد رح يشرب كأس بس تقصف الضاحية
وآخر عم يطلب من العدو يقصف بلا ما يعلم الأبنية.
أمام هيك حقد بينرد عليه بتبني لشجرة الميلاد و "البيش دي نوال"
بصير معروف أنو عنجد ومعكم حق أنو ما منشبهكم ولا رح تشبهونا
"كل اناء بما فيه من حقد ينضح"
هيدا لبنان في فريق بلبنان مخترق من اجهزة استخبارات الدول الكبرى وما تملك من اقمار صناعية وذكاء صناعي واجهزة مخابرات لها ما لها في عالم التجسس والتنصت و...
وفي فريق بلبنان مخروق بالامير ابو عمر السنكري وهيدا الفريق مخروق وجه الصحارة فيه جماعة حب الحياة كيف مكان والسيادة عابواب السفارات
في ناس بتحب الحياة يلي فيها كرامة وشهامة وصفاء نفس
وفي من يدعي أنها تحب الحياة ولكنها تفتقد حتى لأدنى حس إنساني وأقرب لبقية خلق الله من غير البشر
هيك تعلمنا ونحن ابناء موسى الصدر الذي خطب بالكنيسة وحسن نصرالله الذي وقع تفاهم تحت قبة الكنيسة
