استقبال اخواننا الشيعة للبابا بالضاحية ما لازم يقطع مرور الكرام...
بيئة صرلها أكتر من سنة عم تتعرض لأبشع وأحقر حرب طائفية وعنصرية وشماتة من بعض أهل البلد اللي هنّي منّو...
ولما وصل رأس الكنيسة على منطقتهن، استقبلوه استقبال الملوك، بمشهد بكبّر قلب كل لبناني مؤمن بالعيش المشترك، وبيحرق دمّ كل طامح للفتنة والحرب الطائفية بين أبناء الوطن الواحد...
هيدا دليل كبير إنو هالناس ما في بقلبهن حقد على طائفة بكاملها، بل بالعكس، هالبيئة عندها وعي كافي إنو الأغلبية الساحقة من المسيحيي بترفض اللي عم يتعرّضولو وبترفض أي تدخّل خارجي لكسر أي مكون لبناني، وإنو كل شامت وحاقد هو نشاز داخل الشارع المسيحي...
اليوم ببعض دقائق... تم تدمير مؤامرة طائفية عمرها أكتر من سنة...
ممنوع هيدي المشهدية اللي شفناها اليوم تختفي من لبنان...
ممنوع نسمح لأبواق الفتنة والدم والتقسيم إنو يسحبوا من قلوبنا محبتنا لإخواننا بالوطن...
ممنوع لبنان يكون غير هيك، إيد وحدة بوجّ العالم كلّو...
كل جرح بجسم أي مكوّن... كلنا منززف معو...
وكل فرح داخل قلب أي مكوّن... كلنا منحتفل معو...
لبنان مقدّس، وما رح نسمح للشيطان يدمّر كل شي تعمّر...
الله يحمي هالوطن من كل عدو... بعيد وقريب...
#قلبواحد
